Gikundi kia Infotrack nikiritite mpumi cia abunge ba ekuru na Seneta ba kuthuurwa na kura baria bajukitie twanya twa mbere mirongo iiri na tutano uritine ngugi bwa atongeria baria bakaririte iti biu.

Mubunge wa mwekuru wa Kirinyaga Jane Njeri Maina na wa Turkana Cecilia Asinyen Ngitit nibang’ananitie kanyene ka mbere kiri abunge ba ekuru.  Bathingati ni mubunge wa mwekuru Tharaka Nithi Susan Ngugi Mwindu na Bensuda Osogo wa Homabay ondii wa Meru Elizabeth Kailemia gutinoo akwoneka twanyene tuu.  Seneta wa Busia Okiya Omtata nawe niwe utongeretie kiri Maseneta, athingatwa ni Aaron Cheruiyot wa Kericho na Kamau Murango wa Kirinyaga baria bang’ananitie kanyene ga twiri.  Senata wa Meru Kathuri Murungi, wa Tharaka Nithi Mwenda Gataya Mo Fire na wa Isiolo Fatuma Dullo bajukitie kanya ka mirongo iiri na umwe karia bang’ananitie bari Senator batano.  Nkuruki utuiria buu burionania County ya Tharaka Nithi niku gugwakwa nkuruki ya County ingi cionthe guku Kenya.