{"id":6471,"date":"2022-01-24T05:52:56","date_gmt":"2022-01-24T05:52:56","guid":{"rendered":"https:\/\/www.getufm.co.ke\/?p=6471"},"modified":"2022-01-24T05:53:01","modified_gmt":"2022-01-24T05:53:01","slug":"ngwataniro-cia-gi-siasa-nthigurune","status":"publish","type":"post","link":"https:\/\/www.getufm.co.ke\/?p=6471","title":{"rendered":"Ngwataniro cia gi siasa nthigurune."},"content":{"rendered":"\n

Uchore Bwa Giisiasa aaga Nthiguruni Ya Kenya Nwaka Buthiite na Mbere na kumata Ntugu Gwa Ntugu Muno Mbere ya Kagiita ga Kura Chia Muchujo wa Biama Kuruthika aaga kenya Mweri wa ina Mwanka uyu. Ntugu Ya Igoro Mutoongoria wa kiama Kia ANC Musalia Mudavadi nararuthiite Mucheemanio Umukire wa Giisiasa Mucheemanio wa Kuriikana na atoongoria waamwe na aankiama ba kiama Kia ANC aaga kenya NYAMBURA Ira Iraruthiritwe Kieniini na Miakoni Ya Bomas Of kenya aaga Nairobi. Waatabura atoongoria bara bangi ba Ngwaataniro ya OKA Baaruthire Mucheemanio wa Kuriikana na aankiama baago Nuntu Bwa Ithuurano na baita Musalia Mudavadi wana Mudavadi narabaitiite Nyamburaani Chiake Ntugu ya Igoro indi Kuriingana na Makumbi ma giisiasa, Rira aankiama ba kiama Kia UDA Baraaambiirie Kuthuungira Mucheemanioni Uyu Mutoongoria wa Kiama Kia Wiper Kalonzo Musyoka waamwe na Mutoongoria wa kiama Gia KANU Moi Ibaraumire na kuthi batachooke Nyamburaani Inu Kairi.<\/p>\n\n\n\n

Mucheemanio Uyu wa Mudavadi Imucheemanio Ura aratumiire Gutumiiria Ngwaataniro yaake ya Giisiasa na Muniini wa rais Ndagitaari William Ruto ara bairi baba baugiite ibagwaataniite Giisiasa Nuntu bwa ithuurano Bia Mwanka uyu waamwe na Mutoongoria wa Kiama Gia FORD Kenya Moses Wetangula. Akiaria Nyamburaani inu Musalia augite naiyi atoongoria bara akaarutha nabo Ngwaataniro indi Ti Raila Odinga.<\/p>\n\n\n\n

Nuntu Bwa ugu Muniini wa rais Ndagitaari William Ruto augite Kuuma Ntugu Ya igoro bakaambiiria Micheemanio ya amwe ya Giisiasa kuuma Ntugu ya Njumatano ara bakaathi kauntini ya nakuru na Ntugu ya Njumaa Gichigooni Kia western Kenya na Ntugu Ya njumamosi Gichigooni Kia Mount kenya.<\/p>\n\n\n\n

Kuriingana na mudavadi Mutoongoria wa kiama Kia ODM Raila odinga Imuntu ataumba Guitigika na Njira nwa iriku ya Giisiasa na ugu Mudavadi akiuga atiita kaanya gaake kairi Guchooka kiri raila Nuntu akuumiiria mantu mamaingi ma Gukunyanirwa Kuuma Rira baagwaatanire na raila. Mudavadi arina ururu Bwa Giisiasa nauriitie Raila Kuereecha gitumi abatigire Nja akithi Kurutha Ngwataaniro kana Handshake na Rais Uhuru Kenyatta amwe na kura kuruira Thirikaari baaruiriite bariamwe Kiri Ngwaataniro ya NASA Ithuurano Bia Mwanka wa Ngiri chiiri na ikumi na Mugwanja 2017. Mutoongoria wa FORD Kenya Moses Wetangula Nauriitie Mutoongoria wa kiama Kia ODM Raila odinga Mwanka uyu atikauga akuona mang\u2019aang\u2019I akigeria gukinya kanani Rira agaachiindwa Kiri Ithuurano.<\/p>\n\n\n\n