Mukariri iti o kamiti ye ithurano na miaka IEBC Wafula Chebukati, ruari akiariria aandiki ba ntento nteere cia naivasha akiua bura baibangite iuru ria kithurano kia mweri ywa inana mwaka yuu, aute kusiandikithia kwa aringi kura iita ria yeli na iita ria muthia ki baria batiirwe iita ria mbere batisiandikithitie kana bakuenda ucicia ituo bio bia kuringira kuura, kurianjiria mweri yuu tariki 17 mwaka tariki 6 mweri ywa iili, ara aute kinya ana bara bakinyithitie miaka 18 basiandikithie kinya boo kuringa kuura cia mwaka yuu. Aute kinya akenya bara baria thii cia ome bakajiria uciandikithia kuringa kura kuuma tariki 21 mweri yuu mwaka tariki 6 mweri ywa iili, ara betikiritie akenya bara bee thii ingi muwaja cia ome mwanya naira cietikiritue akenya bara bee noo kuringa kuura kithurano kia 2017.Auite akenya bara be oome e kenya beringa kura cia iti kia uraisi aki. Aute mbere e kithurano kikinya akenya bakaewa kaanya kakulaitha kithira ura basindikithirie no buo kuri, na aa ni ntunku 60 mbeere e ntunku e kithurano i kinya.Aute mwanka thaii ibetikiritie siama 82 kuithira bakibuithia muchunjo yura yukethira yukibuithia kuringana na mawatho ya kiama.Mwanka thaai siama 83 ibisiandikithitie indi kiama kimwe kira ni ARC kira kiabuithirwe mwaka o 2010 i Mohammed Abduba Dida ikio aki kititikiritue wita na mbere na mchunjo. Aute bara bakuromba kura cia iiti mwanya mwanya kithuranone kii na ni ariti ngui ki obisi mwanya mwanya kuringana na ikrao thii kira kiari nteere cia kericho mwaka o 2017 babati kubuta ngui tariki 9 mweri ywa iili ara akua iimba rii ri kotini rira akua kiama kii kia IEBC kieterete kuibua ki koti rira akua riwetwa tariki 24 mweri yuu.Erite akenya kiama kia IEBC nikibangite na kiitiite na mbere na kubangira kithurano kii kia mwaka yuu ara auritie akenya bethire bakiringa kuura na thiiri.

Share This

Share this post with your friends!

Share This

Share this post with your friends!