Mbunge inene narua ikambiria kuunga mauri antu baria Rais William Ruto atarite batwika andiki anene Ministrine cia thirikari yawe, kwona kethirwa barina kiria gikwendekana ngugine iria batari kiricio.
Mutaratara jwa kuunga mauri andiki anene bau atare baria ni mirongo itano na umwe jurithithua ni kamiti cia mbunge iu naria o mwandiki munene mutare akaungwa mauri ni kamiti iria ikonetie naria atari.
Bariungwa mauri kinya kethirwa kurina magamba jairi jaikitue kortini kuregana na gutarwa kwao niuntu bwa antu aka baria batari kurega gukinyia mung’ana juria katiba yugaira.
Kingi kiria baria betite kortini bakuuga ni ati utarani buu buting’ananitie nteere na migongo yonthe iria ithairwa iri guku Kenya uria mawatho jegie wandikani thirikarine inene jaugaga.
Recent Comments