Ngabana wa Kaunti ya Meru Kiraitu Murungi nameretie banene mpithukiro iria ikarikite mweronkoro iria iri gicigo mbunge kia Tigania East,utuku wa gukiira ntariki 6 mweri jwa January 2022, na gutiga antu Mathanthatu bateete uturo bwao.Kiri ntumiri iria itumitwe nyombani jia nteto, Ngabana Kiraitu naringite marufuku arithi ma nkamira na ma ndiithia nyingi gutonya Kaunti ya Meru gucuiria ndiithia ino jiao gia kuria.Mweri wa ina mwaka muthiru ni kwari na mpithukiro ntere ino iria yatigire antu mathatu makuite, na mweri wa ithanthatu mwaka wa 2020 muntu umwe akua.Nkuruki Ngabana Kiraitu ariuga kiumia tuthite akarutha gikaro na atongoria monthe ntere iuu gucua ngerekana ya kuthiria mpithukaniro ino.Mpithukiro ino irambirie ntuku wa ntariki 5 mweri jwa January mwaka jwa 2022 arithia ma nkamira makwambiria kweberua ntere iuu jia mweronkoro ni akari ba nteere iu.

Kaunti commissioner wa Kaunti ya Meru Karuku ngumo ariuga mpithukiro ino yumanitie na kurega kwereanwa kwa arithi ma nkamira na mangi ma ndiithia ingi ntere ino jia mweronkoro, akiuga nimakubirthia ucunkuni kumenya gitumi kia mpithukiro ino nimbi yongwa.

Obo Karuku Ngumo ariuga tayari nathanite abicaa ma borisi mabirwe gituoni kia borisi kiria kiri ntere iu, kenda matetheria kureta ukiriria, obo akiuga nimakubanga mitaratara ya buria arithui mama makaaranagiria kumenya buria makarithagia ndiithia jiao, gutigira guti na mpithukaniro ta ino.Nkuruki ngumo ariiga nimaraniritie na rwangi rwa wikaria kuuma kaunty ya Isiolo gucua ngerekana ya kuthiria mpithukanuiro ino.

Shares
  • getufmradio
  • getufmradio

Share This

Share this post with your friends!

Share This

Share this post with your friends!