Mutongeria wa kiama kia ODM Raila Odinga narua nerigiri gutirimana na Delegate ba kiama kiu kuuma Nyanza mucemanione juria jukathithirua nteere cia Oyugis County ya Homabay.Atongeria ba kiama kiu Nyanza bariuga Raila ejite kwao ndiungene iria akuthithia nteere mwanya mwanya cia nthiguru iji gucwaa kugwatithania akenya iria igwitwa Azimio la Umoja. 

Mucemanio juu juthithitue ondii Rais Uhuru Kenyatta aratirimanite kairi na Raila na atongeria ba ngwataniro ya One Kenya Alliance naria ikwirikana naraboriirie o kairi bagwata Raila mbaru kurene cia Rais.Kuririkana mutongeria wa kiama gia KANU Gideon Moi na wa gia Ford Kenya Moses Wetangula batina thina no Kalonzo Musyoka wa Wiper na Musalia Mudavadi wa ANC no bomitie rutwiro.  Kunari ouu munini wa Rais William Ruto nauitie mantu jaria Uhuru na Raila bakuthithia o amwe na jaria One Kenya Alliance ikuthithia akiugaga kabakwibanga gucindana nawe indi batimumba. 

Shares
  • getufmradio
  • getufmradio

Share This

Share this post with your friends!

Share This

Share this post with your friends!