Rais Uhuru Kenyatta augite akarita ntumiiri indiku yegie nja yao kugwetanirua na mantu ja kwitha mbeca oome ya Kenya na kwithirwa barina kambuni ciandikithitue na witho oome ya nthiguru ya Kenya.

Jau ni nyuma ya Report ya utuiria bwa antu baria barina account na kambuni ciandikithitue oome ya nthiguru ciao iria yandiki nkathitine ya Pandora’s Paper kwonania antu ba nja ya Kenyatta ni bamwe bao.

Kinya kethirwa account na kambuni ta iu nitumairwa kwitha into bia kwiya kana kwebera kuria ugoti gutinoo Report iu ikuuga antu ba nja ya Kenyatta nibatumiire ciao kuthithia mantu jau.

Kunari ouu Uhuru augite Report iu ikaejana kanya ka gucunkuna Akenya baria baithite utonga batikumba gutariria naria baritite kiri account na kambuni ta iu.

Antu ba nja ya Kenyatta baria bagweti kiri Report iu ni amwe na Uhuru, ng’ina Mama Ng’ina, mutanong’ina Muhoho Kenyatta na arong’ina Christina Pratt na Ann Nyokabi. 

Nabo atongeria ba nthiguru ingi ni amwe na Rais wa Cyprus Nicos Anastasiades, Rais wa Azerbajain Ilham Aliyev, Prime Minister wa nthiguru ya Czech Andrej Babis na uria wari Prime Minister wa nthiguru ya Ngeretha Tony Blair.

Shares
  • getufmradio
  • getufmradio

Share This

Share this post with your friends!

Share This

Share this post with your friends!