Report iria iriti ni rwang’i rwa gukandana na maugwati guku Kenya NDMA irionania akenya Million ijiri na ngiri magana jatantatu bari ugwatine bwa gukua ni mpara iria igwete County nyingi.

County iria iringiki bubunene ni mpara iu ni amwe na Isiolo, Marsabit, Turkana, Baringo, Wajir na Kitui ondii kinya aturi ba nteere imwe cia County ya Meru na ya Tharaka Nithi bari ugwatine buu.

Mpara iu yumanitie na mbura gukara kagita gakaraja itaura ya kung’ana untu buria buretete mpara ya antu na kinya ya ndithia.

Nacio thirikari cia county igeta na mbere gukandika mucibi nyuma ya mucemanio jwa kuthiria nkucanio yegie mbeca iria ibwirite kunenkerwa kurema kuthithika igoro riria jurabangiri.

Mucemanio juu juria ni jwa kamiti ya abunge na Senator iria itari kuthiria nkucanio iu nikenda County inenkerwa mbeca juraremere kuthithika jukwagia Senator bakung’ana.  Mucemanio jungi jwa Senator na abunge akiama ba kamiti iu nandi jukathithua ntariki ikumi na imwe cia mweri twitite.

Share This

Share this post with your friends!

Share This

Share this post with your friends!