Kumania na gukaa kuria akenya magukaa na kwangaika nuntu bwa gwitia kwa uguri wa maguta guku kenya, thirikari riu iti na bungi tiga aki kwimania uguri uyu wa maguta.Muikairiri giti wa kamiti ya mainya kiri mbunge ya senate Ephraim maina augite gwitia kwa  uguri uyu wa  maguta utikuringithia maguta aki, uriringithia nkinya mauntu mangi maingi ta uguri wa into jia kuria, bisi jia cukuru na mauntu maingi.Nawe Spika wa mbunge nene yabunge justin muturi nabete kamiti ya kigina ntuku ikumi na inya jia kubangnia na gucokia riboti kiri mbunge ino nene iguru ria gwiitia kwa maguri ma maguta maria matigite akenya aingi makiangaika.

Nkuruki maina ariouga mbunge ya senate iri na mworonto umwe aki gutigiira thirikari nikwimania maguri mama ma maguta kubonokia mukenya kuma kinyamarani giki kia gwitia kwa muturire. Untu uria ugwatitwe mbaru ni senator mangi makiuga thirikari iti na mukigire ungi na nkinya kunyibia ugoti kiri uguri uyu wa maguta kuuma nthi jia nja.

Bubu bwikarikite oriria aminista mairi ma ministry ya mainya Charles keter na john munyes maregire gukinya mbere mbunge kwerecera gitumi kia gwiitia kwa maguri mama ma maguta.Kurega gukinya kwa aminista mama nikumeneretue banene ni mamwe ma senator na abunge.

Shares
  • getufmradio
  • getufmradio

Share This

Share this post with your friends!

Share This

Share this post with your friends!