Ministwa wa ugima wa mwiri Mutahi kagwe ariuga kithomo kinene kiria thirikari ithomete kagiita gaka ga corona ni kumenya gutara mauntu mari gitumi nkuruki nkuruki na kumatungatira kagita karibo.Kagwe aritie bubu umunthi kagita ka gikaro kia ikumi na mugwanja kia kuraithia buria ministry bamwe na mautungata ma ugima wa mwiri makari guku kenya, naarea augite thirikari ikathi na mbere kurutanithia wira bakubi na thirikari jia kaunty, gukinyaniiria mubango wa gutigiira akenya monthe nimagukinyiirwa ni utungata wa ugima wa mwiri matuurani kuria mari,bubu ni kenda kunyibiria akenya ngarama nyingi jia gucua utungata wa ugima wa mwiri guntu kuraca.

Naku ntuku ya umunthi kagiita ka mathaa 24 makurukite akenya Magana 317 nimagwatikanite na murimu wa corona,kaunty ya meru iri na arwaru Matano nayo kaunty ya embu iri na arwaru mana aki.Antu 177 nimaragitie nyuma ya kugwatwa ni corona, na mangi namo 27 nimakuite.Antu maria makuite kuuma riria corona yakinyire guku kenya ni ngiri 5045.Nchancho jia kurighiria gutamba kwa corona nithite na mbere kunenkanirwa ituoni mwanya mwanya guku kenya.

Shares
  • getufmradio
  • getufmradio

Share This

Share this post with your friends!

Share This

Share this post with your friends!