Munini wa Rais William Ruto nakanite into bimwe biria Minister wa ukaria Fred Matang’i araugire nibikaragua ni borici niuntu ni into bia Ruto.

Gukurukiira ntumiiri iria iriti ni mwaria wawe David Mugonyi, Ruto augite Matiang’i narairiirie kamiti ya mbunge iria iramwitite atariiria mantu ja ukaria bwa munini wa Rais na into biawe.

Jau ni nyuma ya Matiang’i kwira kamiti iu Ruto na into biawe bikaragua ni borici magana jairi mirongo itano na mugwanja naria borici bamwe bakaragia miunda iria Ruto ni nguku arithagia ku teka aturaga noo.

O kagitene kau atongeria baria batigwata Ruto mbaru ciacene bariuga untu buu niburatethiirie kumbura into ta nguku cia Ruto nikaragua ni borici ondii akenya baingi batina ukaria bwa kung’ana.

Nabo baria bamugwataga mbaru bariuga itagaria riu ria Matiang’i niriraumburire mantu jegie ukaria bwa munini wa Rais jaria jabwirite gutuuura jari witho niuntu bwa itumi bia gi-ukaria.

Share This

Share this post with your friends!

Share This

Share this post with your friends!