Aritwa ba University baria bakwigua nibeki ikundine biria bitibati bia thirikari kuejana mbeca cia kuthoma mutaratarene jumweru juria ikuthithua bena kanya ka kuromba kuthamua ikundine biu.
Mutaratara juu jwikirite aritwa ikundine bina kuringana na uria nja ciao iguciumba naria nja iria itiguciumba gutikio ikuria nacio iria iguciumba ikuria gicunci kia 7 kia Fees ya aana bao.
Murungamiri munene wa Loan cia kuthoma iria ciejanagwa ni thirikari kiri aritwa ba University Kenya HELB niwe Charles Ringeera ariuga aritwa baria bakwigua bating’aniri ni gikundine kiria bekire no barombe kuritwa kurikio na gwikua aria bakung’aniira.
Recent Comments