Munini wa governor County ya Meru Isaac Mutuma M’Ethingia nwee wirigiiri kujukia utongeria bwa county ya Meru nyuma ya mbunge ya Senate kuringa kura utuku cia kweberia governor wa County ya Meru Kawira Mwangaza gitine.
Kuringana na katiba ya Kenya, obici ya ngabana ikeeja gutigwa utheri kumania na ngabana kwingatwa ,munini wawe nwee ujukagia obici iu kiri miaka iria itigeere mukondone juu jwa utongeria.
Kinya gukari uu, munini wa ngabana abateri kujukia obici gukeeja kwithirwa ngabana wejeretue nageretie njira cionthe cia gwiteteera burioo kinya gwiita kortini na kwarema.
Mutuma ni minista umujuuru wa kanisa ya Methodist Church na arina umenyo kiri gutungatira mwingi na ambiririe ngugi yawe ja abithaa wa ncheera na areeta agiitagai.
Oho Rev Mutuma naritite ngugi ja muteteeri wa kioto kia aana na Plan International na nkuruki ari murungamiiri wa mbeu imbithi kiri Habitat for Humanity ndene ya gicigo kia Mount Kenya mbere ya eeja kujukua ni Mwangaza gutuika munini wawe kithuranone kinene kia mwaka jwa 2022.
Arina higher diploma kiri mantu forensic psychology and criminology kuuma Kenya Institute of Studies in Criminal Justice, na nkuruki bachelor’s degree in theology kuuma Kenya Methodist University [KEMU].
Thaa iji Mutuma arithoma Master’s Degree in Governance and Ethics University ya Mount Kenya.
Recent Comments