Mpumi cia magerio ja KCPE.

Mpumi cia magerio ja kuthiria Primary nijo KCPE nicitite na mbere kujukirua na njira mwanya mwanya nteere cia Meru.Aritwa na aciari baria barathomithagia aana bao cukuru ya Kathigiiri na Fred’s Academy iria ni imwe cia cukuru iria irathithitie bwega nkuruki Kaunti ya Meru nibetite na mbere kugwirirua mpumi iu.Nawe muritwa uria utongeretie Primary cia thirikari nteere cia Tharaka na uria utongeretie kiri Primary cia Private mwena juu nibatariritie kiria kiratumire bathithia bwega magerione jau.Nawe mwalimu munene wa Amwamba Primary iria niyo itongeretie kiri cukuru cia thirikari mwena jwa Igembe South namukirite mpumi iu na nkeru na gutariria gitumi kiao kuthithia bwega. 

Mutaratara jwa kujukia aritwa baria barathithitie KCPE kiri cukuru cia Secondary iria bageta mwaka twitite jukambiria narua.Mutaratara juu jukambiria na kujukanua Secondary cia nkathi ya National jugeta na mbere mwanka ntariki ijiri cia mweri twitite.

Shares

• getufmradio
• getufmradio