Siasa cia riporti ya BBI.

Munini wa Rais William Ruto na abunge baria bamugwataga mbaru nibambiritie guteneria mwingi bomba kuregana na mantu ja Report ya BBI.Munini wa Rais William Ruto ariuga kurina antu bakwenda gutindikiria mantu jamwe kiri BBI bacoka riu bajatindikiria kiri akenya.Abunge baria bakugwata mbaru Ruto baria ni amwe na Gichunge Kabeabea, Beatrice Nkatha na Rigathi Gachagua baugite batitikiria mantu ja BBI jeta na mbere gutongerua ni Raila Odinga.Baugite jau ondii uthuraniri bwa mucemanio jwa BBI kiri Kaunti cionthe cia Mt. Kenya juria jukathithirua kienine gia Kinoru Kauntiya Meru bwitite na mbere.Mucemanio juu jukathithua ntariki miringo iiri na kenda (29) mweri juju naria Raila na Ruto bakwirikana bakeja na beja juu niju jukethirwa juri mucemanio jwa mbere jwa BBI kwijiwa ni bo bairi.