Pavel Oimeke wa kiama kia ODM nataari mubunge wa Bonchari ithuranone biniini biria birathithitue gicigone kiu ondii nabu utari bwa kura gicigone kia Juja burungiki gukumira ndoa naria kura igutarairwa.
Oimeke acindite kura cia Bonchari nyuma ya kuringirwa kura ngiri inyanya mirongo ina na kenda ondii Zebedeo Opore wa kiama kia Jubilee uria umuthingatite arina kura ngiri mugwanja magana jairi mirongo mugwanja na kenda.
Teresia Oroo wa kiama kia UDA ni wa bathatu aringiri kura ngiri ithanthatu magana kenda mirongo itantatu na inya.
Juja naku utari bwa kura burungikirwe nyuma ya ndoa kumira Cukuru ya Mang’u naria kura iu ikuringanaiirwa.
Mwanka kagita ga kurungikwa gwa kura iu George Ndung’u Koimburi wa kiama kia PEP niwe ugutongeretie kurene iu athingati ni Susan Njeri Waititu wa kiama kia Jubilee.
Naku Wardine ya Rurii County ya Nyandarua Francis Muraya wa kiama kia UDA nacindite giti kia MCA nyuma ya kuringirwa kura ngiri inya magana jathatu na ithatu. Peter Thinji wa kiama kia Jubilee uria umuthingatite arina kura ngiri ithatu na igana ria mirongo ina na ithatu. Kura cia Ward iu niraretete mbatikano inene gati gati ga kiama kia UDA kiria gitongeretue ni munini wa Rais William Ruto na kiama kia Jubilee kiria gitongeretue ni Rais Uhuru Kenyatta.
Recent Comments