Court of Appeal kambiria kuthikiria igamba ria kuregana na mantu ja kugarura katiba ya BBI.

Korti ya gucokia magamba narua ikambiria kuthikiria igamba ria kuregana na uria korti nene yagitire mantu ja kugarura katiba gukurukiira BBI jarekanwe najo ikuuga jatirathithagua na njira iria yagiri.

Kiria agambithania bathatu ba korti ya gucokia magamba baria bakuthikiria igamba riu bakambiria na kugita ni kethirwa betikirie mantu ja BBI jetage na mbere, mbere ya igita igamba riu.

Kunari ouu Rais Uhuru Kenyatta nameneretie rwang’i rwa korti niuntu bwa itui riu naria akuuga nirwatire akenya kanya ga kuuga kethirwa nibakwenda ugaruruku buu buthithua gukurukiira kura ya Referendum.

Nawe mutongeria wa ngwataniro ya NASA Raila Odinga ariuga BBI ikeja gukuruka ikaguna akenya bunene na kinya mwankira oriu akenya baingi nibakwenda ugaruruku buu buthithua.

Kunari ouu munini wa Rais William Ruto uria ugaga kurina mantu jamwe batigwitikaniria najo kiri BBI ariuga mantu jau nijabwirite kwamba kwarirua, akenya bakathithia ugaruruku betikaniritie nabu bonthe.

Shares

• getufmradio
• getufmradio