kugaanua kwa Gishigo mbunge kia South Imenti.

DCC wa Imenti South natariritie guti kura cia kugita uria Sub County iu ikagitwa ikari iraringwa igoro mucemanione juria jurathithitue nteere cia Kaguru igoro.  Augite mucemanio juu jurari jwa antu kuuga kethirwa nibagwitikiria kujukia Sub County ingi imwe iria baejagwe mwakene jwa 2018 barega bakiugaga barienda kuewa iri ijiri itwika ithatu. 

Nibaretikaniririe kujukia Sub County iu ingi imwe itwike ijiri no kwauranirua makari gati gati ka baria barendaga ita Ward ya Nkuene na Mitunguu na baria barendaga kugitwa gaiti na ruguru.  Ruteere rwa baria barendaga ita Nkuene na Mitunguu ruratongeretue ni mubunge Kathuri Murungi na muciaca Dr. Shadrack Mwiti.

Naru ruteere rwa baria barendaga igitwa Gaiti na Ruguru ruratongeretue ni murungamiri wa ariti ngugi obicine ya Governor wa County ya Meru Gideon Kimathi.