Thirikari ninenkanirite Ciringi Billion igana mirongo iiri na imwe cia utungata bwa ugima bwa mwiri kiri Budget ya mwaka twitite jwa ki-thirikari iria irathomerwe mbungene igoro.Minister wa kigina Ukur Yattani ariuga nyingi cia mbeca iu igeta kiri mantune ja kuroa na murimo jwa Corona na mirimo ingi iria ituraga gucumbura akenya.
O kagitene kau mbeca cia kwambiria guntu gwa kuraguraira na kumenyeera ajie ba murimo jwa Cancer County ya Meru nicikiri kiri Budget iu. Ciringi Million magana jathatu na mirongo itano ikanenkanirwa kwambiria guntu kwiri gwa kuragurira na kumenyeera ajie ba murimo jwa Cancer naria guntu kuu kumwe gugakwa County ya Meru.
Kunari ouu Budget iu nitite na mbere kujukirua na njira mwanya mwanya naria antu nteere cia Tharaka bakathite mantu jamwe jaria jari kiriyo na kumeneria jangi bakiugaga nijakuinyiria mukenya.
Recent Comments