Itagaria ria thirikari kurigiria munini wa Rais William Ruto eta ndiungene iti ya ki-ngugi iria arari ete na ndege nthigurune ya Uganda niritite na mbere kujukirua na njira mwanya mwanya.
Ruto arari ete Uganda na antu bangi mugwanja baria ni amwe na abunge Ndindi Nyoro, Oscar Sudi na Benjamin Tayari na muntu umwe kuuma nthiguru ya Turkey Harun Aydin.
Ruto gukurukiira mutambo jwawe jwa Twitter augite ngitumira migambo yawe wengwa “No bwega kinyau. Gatutigire Murungu mantu jonthe”.
O kagitene kau anene bamwe bariuga Ruto no mwanka ambe etikirue ni munene wa ariti ngugi ba thirikari Kenya Joseph bakiugaga juu niju mutaratara juria jubwirite kuthingatirwa akiumaara oome.
Amwe na jau abunge Ndindi, Sudi na Tayari baria ria muthithia muthia barejire gwitikirua gwita Uganda batina Ruto bariuga gutirio untu ta buu bwarara bukarikite kairi.
Recent Comments