Mutoongiria wa kiama Kia ODM Raila Odinga nariikiitie Gukinyithia Maguru Kieniini Kia Maua ara Raila akinyiite Nteereni Inu athiingateene na atoongoria Mwanyamwanya ba County ya Meru Bariogo gavana Kiraitu Murungi, Minista wa urimi Peter Munya waamwe na Mubunge wa EALA Mpuru Aburi. Akiaria NYAMBURAANI Inu Munya augite raila I Mutoongoria Uruiriite Kenya Buunene na Nuntu Bwa Ugu nathookeetie Raila Odinga Kuiroombera Kura Nteereni Inu.
Mubunge wa EALA Mpuru aburi akiaria Nyamburani Inu Chia Raila Nteere chia Maua nariiingirite Kampeni Buunene peter Munya Kiri Kirindi Giku gia antu akiuria amiiru na akari ba Maua Kuigua barina Wiitigio na Munya waamwe na Raila Odinga. Mpuru augite Muntu atakigwata Mbaru Munya waamwe na Raila kauntini ya Meru wana akauga Mbu Guuugui Nwa PEU.
Waatawiithire siasa Chia Miraa Itiraura Nyamburaani Inu Mutoongoria wa kiama Kia ODM Raila Odinga akiuga agaatigiira Thoko chia Miraa guntu Mwanyamwanya Nthiguruni Kunthe Nikurugurwa Ibu akari ba Meru baigwaatira Nthukuma.
Nyamburaani Inu Raila nameneereetie Muniini wa rais Ndagitaari William Ruto Nuntu Bwa Kira raila augite kagiita Igakurukiite ka Mbeu Mbithi Kuneenkerwa Wheelbarrow waarira auriitie aana babaithi Kuthukia Kura Nteereni Inu.
Gukari woogu Raila augite Nwa mwanka BBI Igaachookeera ibu Kuongeera Ichigo Bunge waamwe na Mbeecha Kiri thirikaari chia County.
Ikaarikanwa Raila ari Gichigoni Kia Mount Kenya East Ntugu ya Imunthi Mwanka Ntugu ya Ruu ara auma maua akaathi kianjai na Muthiani athirikiirie Ntugu Ya Imunthi Itauniini Ria Mutindwa wa Kangangi. Ntugu ya Ruu Raila akaanda Kambi tauniini Ya Nkubu, auma agu athi Chuka na Nyumaani aande Kambi Itauniini Ria Embu.
Recent Comments