Antu ba Ward ya Kiagu gicigone gia South Imenti nandi nibeterete gutwirwa ntuku ya kuringa kura cia kuthuura MCA.Jau ni nyuma ya igamba riria rirarigiritie ithurano biu kuthithua kugitwa na Milton Mwenda Kabobo uria warikitie kortini akurigirua kurungama ithuranone biu acinda.
Giti giki kia MCA wa Kiagu giatigirwe na kanya nyuma ya urea wari MCA Eunice Karegi gututiga nyuma ya kwajua murimo jwa cancer ntariki 27 mweri jwa May mwaka juju.
Milton Mwenda Kabobo aari muntu wa njara wa Eunice na nyuma ya eunice gututiga noonanirie wendi bwa kuujuria kanya kau na kurungama na kiama kia Chama Cha Kazi kirea gitoongeretue ni Mubunge wa Gatundu South Moses Kuria.
Igamba ria kurungika kithurano kia kuujuria kanya ka MCA ward iji kiaandikithirue ni mwerekeria wa witi na mbere bwa kiama kia United Democratic Alliance’s (UDA) rwangi rwa South Imenti Salesio Mutuma Thuranira, akiuga ati Milton ataari akubuuta ngugi yawe ja muriti ngugi wa thirikari mere aruira giti kia gi siaa urea katiba na watho bwa thirikari bukuuga.
Recent Comments