Itagaria ria Rais Uhuru Kenyatta ria gwika urungamiri bwa rwang’i rwa kwendia into bia Cibitari niru KEMSA njarene cia Jeshi nirikujukirua na njira mwanya mwanya.
Rais wa kiama kia mawakili guku Kenya Nelson Havi nameneretie itagaria riu akiugaga nirigukurukana na uria katiba ikuuga.
Nabo Senator nibakurukitie mantu jau jacunkunwe nkuruki ni kamiti ya ugima bwa mwiri mbungene iu naria baingi bameneretie itagaria riu bakiugaga niritigite ariti ngugi ba rwang’i ruu batina ngugi.
Mubunge wa Embakasi East Babu Owino uria kinyawe umeneretie itagaria riu augite akareta mantu jau kinya mbungene nene kwarirua.
Kunari ouu akenya bamwe nibarikathite bakiugaga rigatetheria kuthiria wamba buria buturaga kugwetanirua na rwang’i ruu ta buria bwiragwa nibwathithirue mbeca iria ciari cia kuroa na murimo jwa Corona.
Recent Comments