Rwaria rwa ugaruruku bwa biama gukurukua.

Mbunge inene nikurukitie rwaria rwa maugaruruku kathumba kuthithirua watho buria burungamaira biama bia gi-ciaca jaria jararetete nkucanio inyingi gati gati ka abunge.

Rwaria ruu rurakurukiirue utuku nyuma ya abunge baria bararugwataga mbaru kwingiira baria barareganaga naru.

Mantu jaria rwaria ruu rukuuga ni amwe na biama biria bikwenda kuthithia ngwataniro bithirwe bikumithithia mieri ina mbere ya ithurano.

Kingi ni biama bionthe biria bikethirwa birina MCA, abunge, Senator na Rais kugunika na mbeca iria thirikari iejanaga kiri biama bia gi-ciaca.

Rwaria ruu ruragwatagwa mbaru ni abunge baria baigikaga ciaecene Rais Uhuru Kenyatta na Raila Odinga na kureganwa naru ni abunge baria baigikaga ciacene munini wa Rais William Ruto.