Seneta Linturi gukinyithua Kortini narua.

Senator wa Kaunti ya Meru Mithika Linturi nerigiri gukinyithua kortini narua kuthitangwa na maitia ja kurita miario yumba kuujira ndoa gati gati ga antu baria baturaga County ya Uasin Gishu.Jau ni nyuma yawe kugwatwa igoro niuntu bwa miario iu iria araritire mucemanione juria jwatongeretue ni munini wa Rais William Ruto County iu.  Kunari ouu miario iu nikujukirua na njira mwanya mwanya naria mutongeria wa kiama kia ODM Raila Odinga augite nikwonania ruteere rwa munini wa Rais William Ruto ruria Linturi agwataga mbaru nirubangite kurujithania antu. 

Amwe na jau abunge baria bagwataga munini wa Rais William Ruto nibateterete Linturi bakiugaga atongeria bangi baingi nibaritaga miario imithuku kinya nkuruki ya iu na bationaga wa kuboria.