Igamba ria BBI kwambiria kuthikiirwa kortini ya Supreme.

Korti ya nkathi cia iguru buru guku Kenya narua ikambiria kuthikiria igamba ria mantu jegie kugarura katiba gukurukiira mutaratara jwa BBI.

Igamba riu rikitue kortini iu ni Rais Uhuru Kenyatta, mutongeria wa ODM Raila Odinga, munene wa watho, kamiti ya IEBC na mukenya umwe Morara Omoke.

Jau ni nyuma ya korti nene na ya gucokia magamba kugita mantu ja BBI  jaria jatongeretue ni Uhuru na Raila Odinga jatathithagua na njira iria yagiri na jarekanwe najo.

Amwe na jau Raila na Uhuru baugite batakua nkoro na niberigirite mantu ja BBI jagacokeera kairi na ugaruruku buria bendaga kuthithia bukinyanire.