Witi na Mbere bwa igamba ria BBI.

Mawakili maria  makuregana na riboti ya kuruthira katiba ugaruruku ya Building Bridges Initiative (BBI),nimakunenkanira itua riao mbere ya judge mugwanja ma korti ya Supreme.Umwe wa judge mama Topua Lensiko akinenkanira ugambi wae ariuga Rais atibatere gukurukia kana gukiria katiba na kumikurukia kana kugwata  mbaru itua ria kumiruthira ugaruruku.Kuringana na Lesinko rais ari na kandarasi ya miaka itano aki, iria abatie kubirithia na mbere mauntu maingi kiri akenya na atibatie gutindaniira na mauntu ma kuruthira katiba ugaruruku.

Nawe wakili Isaac Aluochier ariuga katiba ya kenya nimbiganu kuruta mawira ma rais na guti na gitumi kia kumicinjia.Nkuruki isaac ariuga rais kenyata na raila Odinga mendaga gucinjia rwangi rwa wathani kenda kuthondeka twanya twa asiasa kuthiria gacagaca iria yumagira nyuma ya kithurano kinene, indi akauga kenthwa asiasa mama nimetikagiiria uuge na itua ria akenya guti thiina ithwa ikiumiira.