Mwini wa kagita Charles “Jaguar” Kanyi na mubunge o gicigo mbunge kia Starehe niwe mubunge o rua gutonya kiama kia UDA. Jaguar nagwati ugeni kiamene kia UDA ni munini o rais Daktari William Samoei Ruto kuuma kiri gikaro kiawe gia Karen, guku ni nyuma e mucemanio jwa Musalia Mudavadi jurea jurari Bomas. Igueteri kwithirwa kwina migaruko e giciaca nyuma e Mudavadi kuonekana ari tayari kurita ngugi na munini o rais.
Jaguar nurea urari atina murungamo jwi na kiriika jwa giciaca, Jaguar akaruira tigiti e kiama kia UDA na mubunge wa EALA Simon Mbugua. Kiama kia UDA ikiria gikuonekana gikuchiiria antu na wanasisa babaingi. Bamwe ba anaciaca kana barea bakumereria mata iti mwanya mwanya na barua gutonya kiamene kia UDA ni gavana wa Kirinyaga Anne Waiguru, Nelson Havi urea ucoa giti kia gicigo mbunge kia Westlands, Jasper Muthomi MC Jessy, Njogu wa Njoroge.
Recent Comments