Arimi ba Kauwa Kaunti cia Tharaka Nithi kugunika na Kithomo kia guukiria urimi bwao.

Minister wa urimi Kenya Peter Munya narua agatongeria micemanio ya kuthomithia arimi Kaunti cia Meru na Tharaka Nithi mantu ja into bia urimi biria thirikari inene ikwenderia arimi na maguri ja nthi.

Munya agatongeria mucemanio jwa mbere mathaene ja rukiiri kienine gia kanisa ya PCEA Kajiunduthi mwena jwa Maara naju jwa iiri ajutongerie mathaene ja thaa inyanya kienine gia Show ya Meru.

Munya aarugurire mutaratara juju ntuku ya Njumaa na nariungirite arimi ba Kauwa Kaunti cia Kiambu, Nyeri, Embu na naarua ariunge Kaunti cia Tharaka Nithi na Meru. Munya augite gukurukiira mutaratara juju jugaatethia Arimi kwona mbecha nkuruki kuumania na urimi bwa kauwa.