Minista wa urimi Peter Munya kuuga atiebera ministrine iu eeta kuromba kura.

Minister wa urimi Peter Munya natumiritie aticieberie ngugine iu Jumaine ya kiumia twitite riria ariti ngugi ba thirikari baria bakwenda kuromba kura bagucieberia ngugine. Augite jau akurua kethirwa auma ngugine maugaruruku ja kuguna arimi jaria akuthithia Ministrine iu jatitigwa jangaratane. 

Munya ariuga atiuma ngugine niuntu kurina magamba jatigiti kortini ja watho buria bugaga ariti ngugi ba thirikari baria bakwenda kuromba kura bacieberie ngugine mieri itantatu mbere ya kura iringwa.Amwe na jau ataramu ba mantu jegie watho bariuga kinya magamba jau jatigiti no mwanka muriti ngugi wa thirikari wonthe uria ukwenda kuromba kura auma ngugine mbere ya Jumatano ya kiumia twitite.