Rais Uhuru Kenyatta Naikiiriite Kiubisi na Gutumiiria Kanyua Muneene ati Mutoongoria wa Kiama kia ODM Raila Odinga Nwe mutaarwa waake Ura wee wengwa akwenda athukia Giti Kia Urais Rira akauma Kiri utoongoria Nyuma ya Ithuurano Bia mwanka Uyu. Akiaria ari Mucheemanioni wa Sagana 3 Kauntini Ya Nyeri Rais Uhuru Kenyatta nauriitie akari ba Kuuma Nteere Chia mount Kenya kuithirwa barina kuerewa na bamenenye ati Ngwaataniro ya rais na Mutoongoria wa Kiama Kia ODM raila odinga yaari Na Muorooto wa Kuguna akari babu ba Mount Kenya. Rais Uhuru augite Muniini wake Ndagitaari William Ruto naari na Umenyo Buigii Ngwaataniro ya Handshake Mbere Itiraruthika indi aathi Kiinyume Nio na Kuregana Na Ngwaataniro Inu. Nuntu Bwa Ugu rais Uhuru Kenyatta nakaathiite Utoongoria bwake Nuntu Bwa Kira akuuga naathiite Nthiguru Ino Bubwega Nkuruki ya rais bara baithiritwe bari Kiri Utoongoria waarira aitigiiriitie ati naremeetwe Kuuyuria mamwe ma maiririiria ma aakenya.
Mucheemanio Uyu Wa sagana 3 urireeteete amwe atoongoria Mwanyamwanya kuuma Kiri county Ikumi Chia gichigo Kia mount Kenya ara Rais Uhuru Kenyatta wa agitumagira Migambo ya antu beetu Kiri Mucheemanio Uyu auriitie akari ba Kuuma Nteere Chia mount Kenya batigaitigire Kugaanua naatoongoria bara bakuthiuruuka Gichigooni Kia mount kenya bakiugaga Bura atarutiite Wiira. Gukari woogu Rais Uhuru nareganiite na Ntheto ya Gutuika kiama Kia Jubilee Igikuite Giisiasa na Ugu akiuga Kiama kia jubilee Kiriogo na Kirinainya ya giisiasa. Gukari woogu rais augite atirina Ndoa na Mutoongoria Nwa uriku aaga kenya na ugu akiuria akari ba Kuuma Nteere Chia Mount Kenya kugwaatana Kiri Ithuurano Bia mwanka Uyu Nuntu Bwa kira akuuga akari babu bakaaya kugaukana bagaata kaanya ga Utoongoria aaga Kenya.
Recent Comments