Muniini wa rais Ndagitaari William Ruto nauthiiriitie Mucheemanio wa rais Uhuru Kenyatta Ura ukuruthiritwe Ikarooni Biniini Bia rais Nteere Chia Sagana kaunti Ya Nyeri jurea Ureeteete amwe atoongoria ba Kuuma Nteere Chia Mount kenya Mucheemanio Ura Rais Uhuru Kenyatta atumiiriitie na Kuuga nataariite Mutoongoria wa Kiama Kia ODM Raila Odinga Kuigua ari Mutoongoria Ura akwenda athukia Utoongoria Bwa Urais Riara akaumaaruka Ubisini. Akiaria kiri Ndiunga yaake ya Kibwezi east, Kilome, Makueni waamwe na Mbooni Kiri Kuriingira Ndebe Ngwaataniro ya Kenya kwanza Ruto augite aakenya Ibo barina Uuge Bwa Muthia Buigii Nuu Bakwenda atuika rais wa Nthiguru Ino Ya kenya. Gukari woogu Ruto nareganiite na Kuumbikana Kwa Ithuurano Bia mwanka Uyu Kuithirwa Birina waamba Bwa Kura.
Gukari woogu Ruto Nwa eendereithiirie Miario ya Kumeneeria Mutoongoria wa Kiama kia ODM Raila odinga Nuntu Bwa Kira akuuga raila New Utemeete Thirikaari Ya Jubilee yaaremeerwa kiri kuuyuria Miradi mwanyamwanya aaga Nthiguruni Ya Kenya. Ruto augite Rira Rais Uhuru Kenyatta baagwaataniire na Mutoongoria wa Kiama kia ODM Raila odinga mathugaania maago maumire Kiri Guteethia aakenya maathi Kiri Kugarura katiba ya Nthiguru Ino Gukurukiira mutaratara wa nkiama ya BBI.
Mutoongoria wa Kiama kia ANC Musalia Mudavadi Ura nuumwe wa atoongoria ba Ngwaataniro Ya Ruto ya Kenya kwanza augite aamurire Kuiyunga na Ngwaataniro Ya kenya kwanza Rira aamenyire atoongoria bara bangi ba Ngwaataniro ya OKA Barina Muorooto wa kuiyunga na Ngwaataniro Ya raila Odinga Ya Azimio La Umoja. Nuntu BWA Ugu Musalia Mudavadi nauriitie Mutoongoria wa kiama kia Wiper Kalonzo Musyoka Kuregana na Ntheto Ya Kuiyunga Na Ngwaataniro Ya Azimio La Umoja Nuntu Bwa gutuika Raila Odinga kuriingana na Mudavadi atiichiinda Kiri Ithuurano bia mwanka Uyu.
Recent Comments