By Murithi Kinoti
Kucanio cia nthiguru ya Russia na Ukraine iciedereete kwimba na kuunikara mianka, Rais wa Russia Viladmir Putin naitite watho na kuuga jeshi ya Russia itonye nthiguru ya Ukraine kiri icigo bia Donetsk na Luhansk. Nthiguru ya Amerika niregene na mathithio ja Russia na kuuga batigwatanira na nthiguru igutonyeera ingi.
Mukariri giti wa North Antlatic Treaty Organization (NATO) General Jens Stoltenberg norotete kiara mathithio ja Russia na auga ngwataniro ya NATO ikatirimana na kuiika mucemanio kumenya matagaria jaria bakajukiria nthiguru ya Russia.
Nthiguru irea ciathiritwe cikimbiiria Russia ni North Korea, nthiguru ya China na nthiguru ya Belarus irea itetheeretia Russia na gikosi kia jeshi. Bubu bwijite nyuma ya Rais Viladmir Putin bakucemania na Rais wa Belarus Alexander Lukanshenko kiumia kithiru.
Recent Comments