Ngwataniro ya Kenya Kwanza kuregana na miaro ya Rigathi Gachagua iguru ria urea ukaethua munini wa Rais.

Atoongoria ba kiama Kia Amani National Congress (ANC) Kia Musalia Mudavadi Ibameneereetie rwaria rwa Mubunge wa Mathira Rigachi Gachagua rwa Kuuga ngwaataniro Ya Kenya Kwanza Niriikiitie Kugwataanira Muniini wa rais Ndagitaari William Ruto Nwe Uneenkeretwe Tigiti Ya Kuromba Kura Chia urais Gukurukiira Ngwaataniro Inu. Gukari woogu atoongoria babu ibareganiite na miario ya Gachagua ira augite bari Ngwaataniro ya kenya kwanza Ibaitiganiiriitie Nuu Ukaaneenkerwa Giti Kia muniini wa Rais Kiri ithuurano Bibi. Ikaaririkanwa ruukiiri Ruru Gachagua augire Ruto Nwe Ukaaromba Urais Gukurukiira Ngwaataniro Inu waarira augire Ibaitiganiiriitie Muniini wa Rais akauma Ruteere rwa Mount Kenya. Nkuruki Gachagua augite Mweri wa Ithatu tariki Ikumi na Itaano Irio bagaatumiiria kiubisi Ruto Kuromba Kura Chia Urais Kiri Ngwaataniro Inu.  

Mubunge wa Mathira Rigathi Gachagua natheteereete Muniini wa rais Ndagitaari William Ruto kuumania na Uumo Bwa Mutuurire BuraBuri Nthiguruni Ya Kenya waamwe na utoongoria Bwa Thirikaari Ira iriogo ara Gachagua augite Ingugi Ya Rais uhuru Kenyatta Gutoongoria Nthiguru na Ugu Rira mantu maathuka rais Uhuru Kenyatta nwe Ubateerie Kuurua Biuria Nuntu Nwe Ndereba wa nthiguru ya Kenya. Akieyanaga Ngerekano na rais Mwai Kibaki rira aari Muniini wa rais wa Ura aari rais Daniel Moi Gachagua augite Kagiitani gaku Nthiguru Ya kenya yaari baantu aathuku Muno Indi Rira Kibaki aathukiirie Thirikaari Nthiguru yathongama na gukura kiri mantu maigii Uchumi. Nuntu Bwa ugu kuriingana na Gachagua nati Ruto atibateerie Kuurua Biuria Iguru Ria Bura nthiguru Ikari kagiitani gaka.

Shares

• getufmradio
• getufmradio