Minista wa wikaria wa ndani dr fred matiangi ariuga niakenetue ni buria kigerio kia kcpe kiambiritie na njira mbega kunthe kenya, naarea arutwa milioni imwe gatanta jiri mambirie kigerio giki na gikarika ntuku ya wethatu kumia giki turi.Matiangi ariuga kurari na mathina maingi muno kiri kithomo guku kenya, thiina iria jiumanitie na kigankama kia murimu wa corona, indi riu kithomo gikathi na mbere guti na wagagu noo uriku.
Kagiitani okau matiangi nakuria akenya monthe kugwata mbaru abicaa ma kithomo kiri ministry ino, gutigiira kigerio giki nigikuthi na mbere na kurika wega, kenda arutwa maumba kurikia mukondo uyu na gutonya kiri ungi wa secondary, iria nio njira mbega ya gukiria mugongo.
Nawe minister wa kithomo prof George magoha akiaria ari ntere jia kakamega nakikishirite arutwa monthe maria meandikithirie no mwanka maruthe kigerio kiu kia kcpe na obo magoha narutite mukana murito kiri maria makagwatikana na wamba wa kigerio kiu makajukirua itagaria ririto ria kiwatho.
Naku ntere jia buuri kaunty ya meru kigerio giki kia kcpe nikiambiria na njira mbega guti na waggau no uriku, kuri na wikaria wa kwigana.
Arutwa mugwanja ma cukuruku ya primary ya kiumone iria iri Igembe central nimarigirue kurutha kigerio kia kcpe ona kwithwa nimeandikithitie kurutha kigerio kiu.
Recent Comments