Ruto kuregana na miario ya Rais ya kumweberia obisine.

Munini wa Rais William Ruto nakararitie uria Rais Uhuru Kenyatta araugire nabangaga kumweberia gitine kia Rais nikenda omba gugikariria mbere ya kagita kawe gakinya.

Jau ni nyuma ya Uhuru kwira akuru ba mugongoo jwa Gikuu riria baramuriungirite gikarone kia Rais naja Nairobi kiu ni kimwe kia mantu jaria jatumire bariganwa ciacene na Ruto.

Uhuru arerire akuru bau Ruto nacwiite kinya utethio bwa Raila akiendaga abunge baria babagwataga mbaru bagwatanira gukurukia rwaria mbungene rwa kumweberia gitine kiu kia Rais.Amwe na jau Ruto nareganite na nteto iu akiugaga naria akuuga giutati na uria Uhuru akuuga natethererie Uhuru kuthurwa gutwika Rais maita o jairi ndo. 

Miario iu ya Ruto nigwati mbaru ni atongeria bangi baria bamugwataga mbaru baria ni amwe na Governor Muthomi Njuki, Senator Kithure Kindiki na abunge Ndindi Nyoro, Rigathi Gachagua na Aisha Jumwa.

Shares

• getufmradio
• getufmradio